Carien, Carissa en Lisca 2011

Lorraine Mongale (was Koloane)

Ons hoof Ontvangsdame is Lorraine Mongale.  Ek het haar gevra om oor haarself vir my te skryf en ek gee dit graag weer presies soos sy dit vir my geskryf het.

x                         x                         x

Pa - Michael Crisp - Born 05/09/1957
Ma - Maria Makwakwa Koloane - Born 10/05/1957

My pa en ma  was was nooit getroud nie,het nie rerig my pa geken nie.  Ek onthou net n paar kere wat hy my kom sien het, ek was dalk 5 jaar oud.  Hy was toe in n ongeluk (bus driver) en toe dood gegaan.  My ma was altyd weg, in Vrystaat gewerk, ek het saam met my ouma en oupa gebly (ma se kant)  Hulle het vir my baie geleer.

Oupa - William Mogorotsi Koloane - born 16/12/1919 -hy was Tswana.
Ouma - Lizzie Koloane (nee Johnson) born 03/08/1923 sy was coloured, het my Afrikaans geleer.

Ons het gesukel, dit was nie maklik nie want daar was n paar kinders om groot te maak. Ek moes soms sonder kos skool toe gaan.  Maar my ouma het altyd vir my liefde gegee en dit is die grootste geskenk ooit.
My oupa was nie n maklike persoon nie, hy het baie gevloek as hy gedrink het maar hy het nooit my Ouma geslaan.

Oupa(pa se kant) Robert Behrens Crisp born 27/02/1927
Ouma - Elizabeth Crisp - born 21/06/1921

Ek weet nie veel van hulle nie.  Ek het n paar keer gaan kuier toe ek nog klein was.  Al wat ek onthou is my Ouma se glimlag.  Hulle was van Magogong in North West.  Originally van Engeland.

Lorraine se Ouma

My Ouma en Oupa (Koloane) van Barkley West, toe trek hulle Pampierstad toe.  Ek het skool begin in Pampierstad tot std 8, toe kom ek Pretoria toe vir std 9 en 10.  Ek het n suster Letitia Koloane en n boetie Isaac Koloane.  My ma het dood gegaan toe ek 22 was.  Ek moes toe na my boetie en sussie kyk, dit was moeilik maar where theres a will theres a way.

Die een in die rooi rok is haar ma

Ek het in Pretoria in 1994 beland agter my boyfriend gegaan.  Ek was toe 17 jaar oud, was moeg vir Pampierstad en die gesukkelry.  Ek het vir n beter lewe en oppurtunities gehoop.  Ek het toe my eerste kind op 17 gehad, was n fout maar  dis n fout that I have come to appreciate so much.   Ek is nou 34 en sy 17, haar naam is Mosa Mongale.  Pragtige skaam meisie.  Ek en my boyfriend het toe getrou in 2001.  Toe word ek Mev Mongale.  Om getroud te wees had its up and downs.  Was moeilik en hartseer.  Ek het seker ook my foute gehad.  Ek het toe my 2de dogter in 2004 gehdad.  Ek was getroud en ouer, ek het gehoop die lewe sal dan beter gaan maar ek was verkeerd.  Haar naam is Morati Mongale.  Sy is nou 7 jaar oud.  Ek is so lief vir hierdie twee meisies, ek sien nie nog kans om nog n kind te he nie.  Ek het toe besluit om te skei in 2006, na ek my beste probeer het om dit te lat werk.

Toe moes ek van die begin af gaan begin, ek het mooi niks gekry uit my skei nie.  Ek moes n eenslaapkamer (tinhouse) rent vir so drie maande, maar ek was vir die eerste keer weer happy.  Ek het nie eers n bed gehad om op te slaap nie.  But then things started shaping up, for the better.  En soos hulle se the rest is history.

My Werk

Ek sit een woensdag middag in die sonetjie.  Dit was baie koud (2001) Junie.  Ek kry toe n oproep van iemand af ek moet n certain Mrs Nel bel vir n moontlike job.  Ek het toe dadelik na die publiek fone toe gegaan om mrs Nel te bel.  Ek het toe 25 Junie 2001 begin werk.  Dit was die grootste breuk wat ek ooit gekry het.  Ek was clueless, niks geweet, my eerste job.  So het ek geleer, van om die vloere te mop op na die hoof ontvangsdame.  My werk is die enigste ding that keeps me going.  I love my job so so much, ek weet wat sal ek met myself doen as ek my werk moet verloor nie.  Ek sien so uit om  elke dag by die werk te wees.  Ek voel soms dat daar nie genoeg ure in n dag is nie.  My Baas DR PJ NEL, hy is die beste.  Easiest baas ever.  Al wat jy hoef te doen is om jou werk behoorlik te doen dan is hy happy.  Ek hou van om met mense te werk, te help, dit gee my plesier.  Dit wys my dat aan die einde van die dag ons is almal dieselfde.  Ons het almal ons eie probleme.

Die lewe is te kort om nie te glimlag nie.

x                        x                          x

Lorraine werk nou 10 jaar vir die praktyk.  Sy het onder begin en het haar self opgewerk.  Sy was gewillig om in die begin die vloere te mop en gewillig om als wat sy kon leer te leer.  Vandag is sy vaardig met die computer, sy doen ons internet, help die pasiente met al hul navrae, haal steke uit, help met gastroskopies.  Sy's altyd vriendelik.  Sy is altyd netjies.  Ons is trots dat sy ons hoof ontvangsdame is, want sy verdien dit.

Nanny - hoe kies jy een?

Ek help my skoondogter die afgelope maand om n nanny te soek vir ons eerste kleinkind wat in Augustus gebore word.

Ek doen navraag.  Vra by die gim.  Vra by die tennis.

By die gim is n vrou wat nounet n nanny vir haar gekry het.  Sy gee my n nommer van een kandidaat wat sy nie gevat het nie.  Ek bel haar.  Sy klink baie gretig vir die werk.  Sy bly in Shoshanguwe.  Het n baba van drie maande en sal moet donker opstaan as sy wil kom werk.  Wat as sy nie betyds in die oggend is nie?  Wat as haar eie kind siek is.  Ons se vir haar ons sal haar laat weet .........

By die tennis is n vroutjie wat getroud is met n ambassadeur.  Hulle vertrek die einde van die maand terug na hul geboorteland.  Ek vra oor haar nanny.  Sy kom van Zimbabwe, het n kind nog daar.  Is nie getroud.
Bly by haar vriend wat by die ambassade werk.  Wat nou as die nuwe ambassadeur kom en hul wil haar in diens neem?  Sys vriendelik skoon en teruggetrokke.  Ons se vir haar ons sal haar laat weet........

Intussen registreer my skoondogter op die internet om kandidate te kry vir au-pair.  Sy kies vier en ons reel onderhoude.

Die oulike vrou, ook van Zimbabwe, is vriendelik slim en sekerlik bekwaam.  Sy vra waar bly my skoondogter.  O se sy sy het ook drie jaar daar gebly met haar nuwe man.  Sy ken die kompleks.  Ons vra watse werk het sy gedoen.  Kinders van n familie grootgemaak in Zimbabwe.  Toe sy hulle groet het die een kind gese sy moenie gaan nie, toe antwoord sy hulle kan kontak hou met facebook!  Sy gesels land en sand.  Vertel van liefdadigheidswerk wat sy doen, kursusse wat sy al bygewoon het.  Sy skoon en netjies.
Ons se vir haar ons sal haar laat weet..........

Ons sien n dame in haar veertigs.  Syt vyf kinders, darem al taamlik groot.  Is moeg vir professionele werk.  Wil nou net rustig n baba oppas.Sy se sy kan lekker sit en lees as die baba slaap.  Sy werk nie vir geld nie.....  Ons se ons sal haar laat weet..............

Ons hou van die volgende aansoek.  Syt n foto waar sy n baba liefderik in haar arms vashou.  Sys vriendelik en netjies.  Het met die bus gekom en gaan weer met die bus terug.  Haar man pas karre op.  Haar kinders is in die koshuis iewers, die skole hier is nie goed nie.  En wie het die foto van jou op jou CV geneem?
Dis n foto wat sy sommer van die internet afgetrek het.  Die bus loop nie tot by ons nie.  Sy se dit maak nie saak nie sy sal loop.  Sy sal na-ure werk, naweke net soos dit vir die werkgewer sal pas.
Ons se ons sal haar laat weet .........

n Dame in haar twintigs is die laaste aansoek.  Sys geskei, twee kinders van 3 en 8 jaar.  n Vriend laai haar
af vir die onderhoud.  n Ander vriend kom haal haar na die onderhoud.  Sy skoon, netjies en intelligent.
Syt nie werk nie, is lief vir kinders.  Sy bly ver, by vriende.  Sal nader kom bly as sy die werk kry, by ander vriende.  Sy se sy het n kar.  Maar syt nie met die kar gekom nie.
Ons se ons sal haar laat weet..........

Wie kan jy met jou kosbaarste besitting vertrou??????

Carolina Elizabeth Nel - my dogter

Lisca in haar gehekelde dooprokkie toe sy die dag gedoop is. (sy het moeg geword vir al die gedoentes)

Vandag is die 21ste Junie, die kortste dag van die jaar en ook my broer, Attie Heunis se 53ste verjaardag.
Maar vrydag die 24 ste Junie is my oudste dogter se verjaardag.  Sy is gebore op n Vrydagoggend om 7vm in die ,daai tyd genoemde, "Nuwe Moedersbond".  Dr Wilhelm Nel het met die bevalling gehelp en soos sy altyd se dit was n tangverlossing en het 6,9pd geweeg.My man Philip, het my na die hospitaal geneem in sy eerste kar, n wit Cortina.  Die voorste sitplek was los en elke keer as hy stop het die sitplek vorentoe of agtertoe geval.  Ons hoef egter nie so ver te gery het nie want ons het daai jare in Arcadia gebly.  Die adres was Lisdoganstraat 190.

Op die 6e November 1977( die jaar wat sy gebore is) is sy in die Oos-kerk deur ds Erasmus gedoop.  John Vorster, die huidige premier, was ook in die kerk omdat die ministers almal daai jare in Goewermentlaan gebly het.  Jacqueline, my man se broer Johan se oudste dogter, het haar in die kerk ingedra.
Omdat ek maar baie onervare was moet ek se ek het maar gesukkel om haar groot te kry.  Elke drie jaar daarna was eers haar broer, Philippus, en toe haar ander broer Johan, en vier jaar daarna haar sussie, Carissa gebore.

Lisca moes van die begin af help en het sy al die jare sterk leierseienskappe getoon.  Johan se nounog dat sy mooi tafelmaniere te danke is aan Lisca.  Syt begin in n speelgroepie saam met haar destysdse maatjie Amir Zarrabie by Marietjie van Dyk.  Daarna is sy Eastern Suburbs kleuterskool toe waar Nannette Viviers haar maatjie was.  Lisca het naar geword van macaronie en mag hulle nie nagereg gekry het as hul nie hul kos opgeeet het nie.  Nanette het Lisca se macaroni geeet sodat sy jellie kon kry.

Haar laerskooldae was in Pretoria-oos laerskool waar sy heel vreemd was.  Eendag het sy vir my gese hul moes pawiljoen toe gaan maar syt nie geweet wat is "pawiljoen" nie.  Syt heel goed in atletiek gedoen en het saam met drie baie goeie atlete een jaar n gou medalje met aflos gewen by die interskole atletiekbyeenkoms.
Die atletiektye was ook nie sonder spanning nie.  Ek het n vyfsent stuk aan haar broekie vasgewerk sodat sy my kan bel as sy moeilikheid het.  Met atletiekbyeenkomste moes sy in die bus ry en ek met my kar agterna.
Syt kort kort kom kyk of ek nog daar is.

Haar hele lewe wou sy haar beste lewer.  Met enige kompetisie wou sy graag wen.  Op laerskool was sy die onder-hoofmeisie en op hoerskool, Girls High, was sy ook op die leerlingraad.  Ons albei het n baie moeilike tyd gehad toe sy na n Engelse Hoerskool toe is.  In die huis het ons net Afrikaans gepraat.  Ek, komende van die platteland kon glad nie Engels praat nie.  Joha Grobbelaar was hier haar beste vriendin.  En is dit vandag nog.

Hier het sy haar eerste liefde vir tennis gewys

Omdat my man van n tennisspelende familie kom het ek ook gesorg dat Lisca tennis lesse neem.  Sy was n baie hardwerkende speler en het op Hoerskool vir Noord-Transvaal gespeel.  Sy kon na matriek in Amerika gaan studeer en tennis speel maar die stap was te groot vir haar.  Syt medies gaan swot en ons twee het saam die pad gevat.  Syt geleer en ek die ondersteuning gegee wat ek kon.  Was nie altyd maklik nie.  Ons twee het na sy gekwalifiseer het vir n week Egipte toe gegaan en die wonderlikste vakansie saam
gehad.

Lisca deur haar ma uitgeput in Egipte

Aan die begin van haar gemeenskapsdiensjaar het sy met Philip Mostert getrou op die 9e November.  Sy was n lieflike bruid en het ook in die Oos-kerk waar sy gedoop is getrou. Ds Pieter Badenhorst het hulle getrou.

"Maar eenmaal in die lewe
kom die liefde weergaloos;
en eenmaal in die gaarde
blom volmaak ------ n wonderrroos"     (AGVisser)

Hierdie jaar het Lisca gekwalifiseer as Anatomiese Patoloog.  Syt als wat sy kon ingesit om n sukses van hierdie studies te maak.  Te verstane dat sy "Cum Laude" geslaag het.  Ons is baie trots op haar.

"Dreams come true ....
if you make them.
You have to do the work."   John Coleman

Ons het n baie spesiale band.  Ons verstaan mekaar, gee om vir mekaar, is lief vir mekaar.  Die onsigbare naelstring sal seker altyd daar wees. 
Ek haal Kahlil Gibran se woorde aan:
Julle kinders is nie julle kinders nie.
Hulle is die seuns en dogters van die Lewe se verlange na lewe.
Hulle kom deur julle maar nie van julle nie
En al is hulle by julle behoort hulle nie aan julle nie.

Julle mag hulle julle liefde gee, maar nie julle gedagtes nie,
Want hulle het hul eie gedagtes.
Julle mag hulle liggame huisves, maar nie hulle siele nie.
Want hulle siele woon in die huis wat julle nie kan besoek nie,
nie eens in julle drome nie.
Julle mag strewe om soos hulle te wee,
maar moenie probeer om hulle soos julle te maak nie.
Want die lewe beweeg nie agteruit nie,
nog minder vertoef dit met die dag van gister.

Julle is die boe waaruit julle kinders soos lewende pyle geskiet word.
Die Boogskutter sien die doelwit op die pad van die oneindigheid,
en Hy buig julle met Sy mag sodat Sy pyle vinnig en ver mag trek. 
Laat julle tot blydskap in die hand van die Boogskutter gebuig word;
Want, net soos die pyl wat vlieg lief het,
so het Hy ook die boog lief wat bestendig is.

En so sal ek ook haar ALTYD lief he

ADT - my frustrasie

Ek werk dikwels in n dokter se spreekkamer en moet die frustrasie van pasiente hanteer wat nie op tyd deur die dokter gesien word nie.  Dis selde dat my werkgewer laat begin, indien ooit, maar agv pasiente wat langer neem om uitgesorteer te word (as dit die eerste keer is wat die pasient die dr sien weet mens nooit wat hom makeer nie.  Soms net n moesie wat hom pla, soms meer ernstig en wat meer tyd neem)

Maar dit is nie waaroor ek wil skryf nie.  Ons het laas jaar ADT gevra vir n kwotasie om ons alarm  op te gradeer aangesien volgens hulle ons sisteem glad nie voldoen aan die nodige veilige vereistes nie.  Ons het ons huis gerestoreer en elke keer het ADT die alarmstelsel kom herstel teen kostes.  Elke keer was dit n ander tegnikus wat uitgestuur is wat nie die vaagste benul gehad het wat die vorige persoon gedoen het nie.

Op 14 April het ons n kwotasie gekry vir die opgradering van ons stelsel wat ons aanvaar het.  Op 5 Mei het die tegnikus kom installeer.  n Ander ding van ADT is dat hierdie persoon mag net doen wat op die quote staan.  As daar bv. iewers iets nie reg is nie mag hy dit nie regmaak nie.  Dan moet die verkoper weer n kwotasie kom skryf, jy moet dit goedkeur, n afspraak word gemaak (tegnikuste is baie besig) en in daardie tyd het jy nie n alarm wat werk nie.  Laasgenoemde was dan die geval met ons want die battery was toe te swak om die nuwe sisteem te dra en volgens hulle was daar nie n sirene op die perseel nie. 
Ek weet nie wat die verkoopsman van my gedink het nie (ek is natuurlik n vrou met geen titel nie) maar my goed meegedeel soos dat  die magnete teen n skuifdeur net in wit te kry is want al die mense se aluminium deure is silwer.  Die werker het agterna vir my gese dis nie waar nie, mens kry bruin magnete.

In die tyd wat ons gewag het sonder dat die alarmstelsel werk het ons gelukkig buite beams wat deur n ander persoon geinstalleer is wat ons kon aansit.   ADT hou glad nie daarvan dat jy ander persone gebruik nie, hulle sal bv nie die ander stelsel aan hulle stelsel koppel nie.

ADT se afspraak beleid is ook vir my n frustrasie.  Wanneer n afspraak gemaak is kry jy die dag voor die tyd n sms wat se as jy nie daar is met die afspraak sal jy daarvoor betaal.    My volgende  afspraak met ADT is donderdagmiddag ongeveer 4 uur gereel vir Vrydagoggend 9uur.  Wel dink die mense nie dat jy ook afsprake het wat jy moet na kom nie?  Dikwels is my afsprake 3 maande voor die tyd reeds gemaak.
Ek het die verkoopsman gevra om ons elektrifisering drade ook te toets aangesien niks gewerk het nadat hulle hier weg is nie.  Hy het geweier.  Gese ek moet ADT bel, n afspraak maak, n kwotasie kry en dan sal n tegnikus n afspraak maak en dit kom toets teen koste.  My man het die naweek dit toe getoets, dit het hom net die tyd geneem om twee drade teen mekaar te druk en te wag vir die sirene.

Ek is toe weer geskakel vir n afspraak 17 Mei Dinsdag, vir die finale afhandeling - niemand het opgedaag
nie.  Donderdag die 19e het die werker my geskakel van my hek af om te se hys nou hier om die werk te kom doen.  Ek het my bediende opdrag gegee om vir hom in te laat.

Ons het n lys aan die verkoopsman gegee oor probleem areas en gevra dat hy dit moet teken.  Hyt geweier en gese hy sal dit met sy bestuurder bespreek.  Oor die naweek het my man gedikteer en het ons n mail aan die bestuurder gestuur.

My man het aangedring op n vergadering met die bestuurder, die hoof van die tegniese afdeling en die verkoopsman.  Die vergadering het plaasgevind, die probleemareas is aangespreek en daar is weer uitgekom om alles te kom regmaak.  Vandag 3uur, dit is nou die 17 Junie, sal my man kom vir die formele oorhandiging. So twee maande het dit ons geneem om by hierdie punt uit te kom.

Die rede?  Sou dit wees dat ADT se verskillende afdelings nie goeie kommunikasie het nie?
Sou dit wees dat ons verkoopsman nie opgewasse was vir die taak nie.
Wie is die persoon wat die stelsel moet bestuur en die klient tevrede hou?
Sou dit wees dat ADT dink hul het geen kompetisie nie en hoef nie regtig n goeie diens te lewer nie?

Of evalueer hul n persoon op die meriete dat sy n huisvrou is en dalk onnosel is?  Is ons almal nie deur die selfde Persoon gemaak en vir Hom was dit goed nie?
Ek vra maar net

Paasfees 2011

Pieuter kruis gemaak deur Carin Nel

n Week voor die opstanding van Jesus is dit Palmsondag.  Jesus moes op die palms met sy donkie deur die strate ry om as koning gekroon te word - maar Jesus is na Golgota waar Hy begrawe is.  Jesus is n Koning wat ons dien i.p.v dat ons Hom dien.
Ons moet palmtakke in die wereld uitgooi; Jesus se styl moet ons styl word.  Sak neer op jou kniee en was ander se voete.
Wie is Jesus vir jou?

n Paar jaar gelede het ek die voorreg gehad om die pad van Jesus na die kruis uit te beeld in 15 sketse.
Ek het na n spirituele kreatiwiteitsles gegaan wat aangebied is deur die Oos-kerk en Marina Srydom het die kursus aangebied.  Op 15 ewe groot pieuter vierkantblokkies het ek die sketse aangebring en daarna versigtig elke skets uitgedruk op sagte materiaal , dan opgevul aan die agterkant met was.  Die pieuter is baie sag en kan maklik skeur.
My sketsies het ek op hout gemonteer en word gelees van links na regs.  Ek het ook n kruis vorm op die hout aangebring wat uitstaan.  Die sketsies beeld die volgende uit:
1   Jesus voor Pilates
2   Jesus dra die kruis
3   Eerste val
4   Jesus en Maria
5   Jesus en Simon van Cirene
6   Jesus en Veronica(vlg tradisie vee sy sy gesig met n lap af)
7   Tweede val: Simon van Cirene
8   Jesus en Maria en Maria Magdalena
9   Derde vanl; Simon van Cirene
10  Verwydering van kleed
11  Vasspyker aan die kruis
12   Maria en Johannes
13  Maria by Jesus se liggaam
14  Jesus in Graf (vlg tradisie Johannes en Nikodemus)Nikodemus het n mengsel van omtrent vyftig liter
    mirre en aalwyn gebring waarmee hulle Jesus gebalsem het.
15  Opstanding

Die kruis simboliseer dat paastyd die tyd is wat ons oppad is na Golgota.

 Lydenstyd is veertig dae, waarvan aswoensdag die eerste dag is..  Ons moet in die tyd ons, nes Jesus, voorberei om die wereld in te gaan.
Die Veertigste dag is die saterdag tussen Goeie Vrydag en die opstanding.  Sondae word uitgesluit.
Ons gebed in die tyd is dat Jesus ons sondes moet vergewe.
Jesus het van sy eenvoudige dorpie, Nasaret, gekom om aan die kruis vir ons sondes te sterf.
Hy het opgestaan, sy graf is leeg.  Ons is verlos van ons sondes deur Sy kruisdood.

Mag al die geslagte dit bly glo.

Philip dra die kruis by die Universiteitsoord kerk.

Lied 354
Ek magteloos gebonde
Ek word deur U bevry
ek is bevlek met sonde
U kom en reinig my.